नेवाः पत्रकार राष्ट्रिय दबूया न्याक्वःगु राष्ट्रिय महाधिवेशन स्थगित जूगु दु।

थ्व हे वइगु भाद्र १९ व २० गते गोरखा जिल्लाया मिलन बस्तीइ यायेगु नितिं सकतां तयारी जुइ धुकुगु दु। तर आकाझाकां भाद्र १० गते वःगु खुसिबालं देसय् तःधंगु दुःख जुयाच्वंगुलिं महाधिवेशन स्थगित यायेमाःगु खँ पत्रकार दबू नं पितब्यूगु प्रेस विज्ञप्तिइ न्ह्यथनातःगु दु।

उगु विज्ञप्तिइ खुसिबालं मदुपिन्त विचाः हायेकूसें स्थगित जूगु महाधिवेशन थ्वहे वइगु पुस २४ व २५ गते गोरखा जिल्लाया भीमसेन थापा गाउपालिका मिलन बस्तीइ हे यायेगु क्वःछ्यूगु दु।

Categorized in राष्ट्रिय