हेटौँडा–येँ सतकय् सवारी चाप अप्वःगुलिं थनिनिसें चिग्वःगु यात्रुवाहक सवारीया निंतिं वने बले व वये बले ब्यागलं लँपु छ्यले मालीगु जूगु दु।

स्थानीय प्रशासनं १४ सिटसिबें म्हो क्षमताया सवारीसाधन भीमफेदी–कुलेखानी–सिस्नेरी–दक्षिणकाली जुयाः वनीगु धाःगु दु।येँनं हेटौँडा वइगु सवारी फर्पिङ–फाखेल–कुलेखानी–भीमफेदी जुयाः वयेमालीगु जूगु दु।जिल्ला प्रशासन ज्याकुथि मकवानपुरया प्रशासकीय अधिकृत सन्तोष सुवेदीया कथं, मालवाहक लिसें तग्वःगु यात्रुवाहक सवारीसाधनं येँय् वनीबले त्रिभुवन राजपथ व लिहां वइबले कान्ति राजमार्ग छ्यले मालीगु जूगु दु।

पृथ्वी राजमार्ग अन्तर्गत धादिङया कृष्णभीरय् सतक अवरुद्ध जुइ धुंकाः हेटौँडा जुयाः येँय् वयेवने याइगु सवारीया चाप अप्वःगु दु। न्हूगु व्यवस्थां वैकल्पिक सतकय् जुइगु सवारी जाम लिसें ताः ई सवारी दिके मालीगु अवस्थाया अन्त्य जुइगु जूगु दु।

Categorized in राष्ट्रिय