नेवाःतय्गु मंकाःगु राष्ट्रिय संगठन नेवाः देय् दबूपाखें वंगु १० गते बुधवाः भोटेकोशी खुसिबाः वया रसुवा, नुवाकोट, धादिङ व चितवन जिल्लाय् विनासकारी खुसिबाः, चलः वंगु व डुबानय् लाना मदुपिनिगु चीर शान्तिया कामना याना झिंस्वन्हुया दिनय् देय् न्यंकं छन्हुं हे श्रद्धाञ्जली ज्याझ्वः याइगु जूगु दु।

देय् दबूया मूछ्याञ्जे श्रीकृष्ण महर्जनं बियादीगु जानकारी कथं वइगु भदौ २२ गते सोमवाः देय्न्यंकं हे बहनी ६ बजे प्राकृतिक विपत्तिइ लाना मदुपिनिगु चीर शान्तिया काना याना देय् न्यंकं छगू हे इलय् श्रद्धाञ्जली ज्याझ्वः याये त्यनागु खः धयादिलगु दु।

देय् दबूया केन्द्रीय समितिया मुँज्याया क्वःछिना कथं मातहतया प्रदेश समिति, जिल्ला समिति, पालिका समिति, वडा समिति, विषयगत समिति व आबद्ध जातीय संगठनयात उगु दिनय् थःथःगु थासय् श्रद्धाञ्जली ज्याझ्वः यायेगु नितिं सर्कुलर तकं जूगु मूछ्याञ्जे महर्जनं जानकारी बियादीगु दु।

Categorized in राष्ट्रिय