भोटेकोशी खुसिबाः वगु लिपा उद्धार लिसें खोजतलासया झ्वलय् लूगु व परीक्षण लिसें व्यवस्थापनया निंतिं पोखराय् हःगु १०२ म्ह सीम्ह मध्येय् मङ्गलवाः २१ म्ह सीम्हया सनाखत याना परिवारयात लःल्हाःगु दु।

म्हसिका सिइके मपूmगु ७६ सीम्हयात पोखरा–१६ माथिल्लो दीपया सिसौघारीइ सुरक्षित कथं व्यवस्थापन यानागु धकाः जिल्ला प्रशासन ज्याकुथिया सहायक प्रमुख जिल्ला अधिकारी चित्राङ्गत बरालं जानकारी बियादिल।वय्कःया कथं पोखरा स्वास्थ्य विज्ञान प्रतिष्ठानया शवगृहय् अझं न्याम्हेसिया सीम्ह दु। उगु सीम्ह छम्ह सिबें अप्वो परिवारं किपा स्वयाः दाबी याःगुलिं थप परीक्षण यायेत्यंगु दु।

“ताः ईतक शवगृहय् तयातइबले नवइगु नापनापं महामारीया जोखिम जुइगु जुयाः सुरक्षित कथं सीम्ह व्यवस्थापन यानागु खः। फुक्क सीम्हया डिएनए कयागु दु। परिवारया डिएनए ज्वः लाःगु अवस्थाय् सम्बन्धित परिवारयात लःल्हायेगु जुइ”, बरालं धयादिल।

धादिङपाखें २२ म्ह, गोरखापाखें ७ म्ह, नवलपरासीपाखें २५ म्ह व तनहुँपाखें हःगु २२ म्ह सीम्ह व्यवस्थापन याःगु खः।

Categorized in राष्ट्रिय