चीनपाखें ग्वाहालि कथं छ्वयाहःगु आपत्कालीन राहत सामग्रीया निक्वःगु खेप थ्यंकावःगु दु। चिनियाँ जनमुक्ति सेना (पिएलए)या वायुसेनाया विमान पाखें म्हिगः बहनि उगु राहत सामग्री येँय् थ्यंकावःगु थनया चिनियाँ दूतावासं धाःगु दु।

चिनियाँ ग्वाहालि विशेषज्ञया कथं न्याम्ह ‘डिएनए’ म्हसिक विशेषज्ञ नापं वहे उडान पाखें नेपाः थ्यंका वःगु दु। त्रिभुवन अन्तरराष्ट्रिय विमानस्थलय् विज्ञान, प्रविधि लिसें नवप्रवर्तनमन्त्री महावीर पुन व नेपाःया निंतिं चिनियाँ राजदूत झाङ माओमिङ राहत सामग्री लःल्हाइगु ज्याझ्वलय् ब्वति कयादीगु खः। वय्कःपिंसं चिनियाँ विशेषज्ञयात लसकुस यानादीगु खः।

राहत सामग्रीइ थत्थें माःगु ‘ड्रोन’, डिएनए परीक्षणया उपकरण लिसें लः शुद्धीकरण याइगु सामग्री व मेमेगु उपकरणत छ्वयाहःगु दु।

Categorized in राष्ट्रिय