द्वाल्खाया सांस्कृतिक जीवनलिसे स्वाःगवु भैरव कुमारि प्याखं (जात्रा) शुरु जूगु दु । द्वाल्खाया सांस्कृतिक जीवनलिसे तसकं क्वातुगु स्वापू दुगु बहनिसिया इलय् क्यनीगु भैरव कुमारि गुंलागा दुतियानिसें षष्ठीतक यानाः न्यान्हुतक न्ह्याइ ।

न्हियान्हिथं बहनिसिया करिब ९ ताः ई लिपा शुरु जुइगु थ्व प्याखं सुथसिया ४ ताःईतक क्यनेगु परम्परा दु । युद्धकलाया शैलीइ न्ह्यब्वइगु थुकथंया भैरव कुमारि प्याखं तसकं म्हो जक दुगुलिं थुकियात द्वाल्खाया जक मखसे नेपाःया हे मौलिक व अमूर्त सांस्कृतिक सम्पदाया रुपय् कयातःगु दु ।

थुगु जात्रा गबलेनिसें शुरु जुल धइगु ठोस ऐतिहासिक दसि प्रमाण मदुसां वि.सं. १७८२÷८३ पाखें शुरु जूगु माने यानातःगु दु । 

Categorized in राष्ट्रिय