सरकारी निर्णय न घटे याःगु लोककल्याणकारी विज्ञापनया ध्यवा साविकय् कायम मजूसा कडा आन्दोलन यायेगु तयारीइ थ्यःगु दु।

नेपाल पत्रकार महासंघ काठमाडौं शाखाद्वारा गठन छापा माध्यम बचाउ सुझाव कार्यदलं छगु वाः दुने माग सम्बोधन मजूसा देयन्यक प्रिन्ट मिडियायात दुथ्याका भौतिक आन्दोलनय् कुहावयेगु प्रस्ताव याःगु दु। थौ शनिवाः सुथय् च्वंगु कार्यदलया बैठकं दामोदरप्रसाद दवाडीयात संयोजकय् ल्यःगु खः। महासंघयात न्ह्यगू बुँदे सुझाव लःल्हागु दु।

न्हुगु संशोधित कार्यविधि कथं घटे यागु रकम लोककल्याणकारी विज्ञापनया बिल विज्ञापन बोर्ड वा सम्बन्धित हुलाक कार्यालयय् पेस मयायेत देयन्यक छापा माध्यमयात इनाप यायेगु निर्णय बैठकं याःगु दु। सरकारी विज्ञापन वितरण जुयाच्वंगु विभेद, लोककल्याणकारी विज्ञापनया रकमय् याःगु कटौती व राष्ट्रिय समाचार समिति (रासस) या बुलेटिन शुल्कय् यक्को कटौती तत्काल भिंकेमाःगु निष्कर्ष कार्यदलं याःगु दु।

उगु समस्या समाधानया निति सञ्चार लिसे सूचना प्रविधि मन्त्रालय, सम्बन्धित सरकारी निकाय व राजनीतिक दलया नेता तयेत याकन दबाब बिइगु जुगु दु। छवाः तक वार्ता व परामर्शपाखे समाधान मालेगु व माग पूरा मजूसा चरणबद्ध रूपं भौतिक आन्दोलन न्ह्याकेगु रणनीति दयकेगु जुगु दु। आर्थिक सङ्कट जुयाच्वंगु इलय् छापा माध्यमयात सरकारी निर्णय न झन तधःगुे असर याःगु दु ।

विशेष याना चिधःगु व स्वरोजगारमूलक सञ्चारमाध्यमया अस्तित्वय् हे सङ्कटय लागु दु धका कार्यदलं थुइकूगु दु । छापा माध्यमयात संरक्षण याना यावसायिक हितय् जक सीमित मयासे प्रेस स्वतन्त्रता व नागरिक तयेगु सूचं कायेगु अधिकार नाप स्वाना स्वयेत कार्यदलं बः बिउगु दु। सरकारं विज्ञापन नीति समान व पारदर्शी जुइमाःगु नाप छु न सञ्चारमाध्यमयात विभेदपूर्ण व्यवहार यायेमज्युगु धारणा न्ह्यने तःगु दु ।

नेपाल पत्रकार महासंघ काठमाडौं शाखां भदौ १९ गते छापा माध्यमया सम्पादक लिसे प्रकाशक तयेगु सुझाव सङ्कलन व सहलह याःगु खः । उगु सहलहपाखे दवाडीया संयोजकत्वय् ११ सदस्यीय कार्यदल गठन यागु खः । कार्यदलय् डा. केशव देवकोटा, टंक कार्की, हेमराज सिलवाल, मुक्ति बास्तोला, विश्वराज किराँत, सीता पोखरेल, नृपेन्द्रलाल श्रेष्ठ, डिल्लीराम भट्टराई, पदमराज जोशी व कल्पना खड्का दुजः कथं च्वनादीगु खः।

सरकारं याःगु निर्णय पुनर्विचार यायेत प्रिन्ट मिडियायात बचे यायेगु वातावरण मदकल धाःसा काठमाडौं शाखां नेतृत्वयासे देयन्यक छापा माध्यम सम्मिलित दबाबमूलक कार्यक्रम सञ्चालन यायेत कार्यदलं सुझाव ब्यूगु खः।

Categorized in राष्ट्रिय