रसुवा जिल्लाय् भोटेकोशीइ वंगु खुसिबालं तःधंक जनधन नापं भौतिक संरचनाय् क्षति जूगु दुसा आपालं मनूत सीगु दु।

थुकिं याना देय् हे थौं शोकया इलय् लानाच्वंगु दु। २०८३ साल भाद्र १० गते बुधवाः वःगु थुगु खुसि बाहालं आपालं नागरिक सीगु दु, बेपत्ता जूगु दु। खुसिबाःपाखें प्रभावित, तनाच्वंपिं वा घटनालिसे सम्बन्धित विदेशी नागरिकतय्त मालेगु व उद्धार यायगु ज्या न्ह्याना हे च्वंगु दु।स्वनिगःया नेपाःमिया ग्वसालय् न्ह्याःगु थुगु याली आपालं नेवाःलिसें गैरनेवाःपिन्सं ब्वति काःगु खः।

ऐक्यबद्धता ¥यालि येँया बसन्तपुरं सुथय् नेवाः न्ह्यलुवाः मल्ल के सुन्दर, येँ महानगरपालिका कार्यबाहक मेयर सुनिता डंगोल, नेवाः न्ह्यलुवाःपिं राजेन्द्र श्रेष्ठ, भिमसेनदास प्रधान, मुक्ति प्रधान, डा. पुष्पराज राजकर्णिकार, नवीन मानन्धर, नेवाः देय् दबूया नायः रश्मिला प्रजापति, नेपालभाषा मंकाः खलःया नायः रमेश पिया, न्हूदँ समारोह समितिया नायः प्रेमहिरा तुलाधर, न्हूदँ संरक्षण समाजया कजि प्रा.डा. नरेशमान बज्राचार्यलिसें थीथी जातीय खलः पुचःया नायःपिनिगु नेतृत्वय् ऐक्यबद्धता ¥यालि न्ह्याःगु खः।

अथेहे, मदुपिनिगु आत्माया चीर–शान्तिया कामना यासें भिक्षु कौण्डन्य महास्थवीर, धर्मकीर्ति विहारया खेमावती गुरुमां, नेपाल परम्परागत बौद्धधर्म संघया प्रा.डा. नरेशमान बज्राचार्य, राजोपाध्याय समाजया राजीव राजोपाध्यायपिन्सं थःथःगु धर्म परम्परा कथं धार्मिक पाठ यानादीगु खः। 

Categorized in राष्ट्रिय