सन् २०२७ लय् घोषणा जुइगु ९९ क्वःगु एकेडेमी अवार्ड (ओस्कार अवार्ड)य् नेपाःया प्रतिनिधित्व यासें संकिपा ‘तिनीहरू–एलिफेन्ट्स इन द फगं’ धेंधेंबल्ला याइगु जूगु दु।

अन्तरराष्ट्रिय फिचर फिल्म छनोट समिति (नेपालं) थौं छगू प्रेस विज्ञप्ति जारी यासें उगु संकिपायात नेपाःया पाखें आधिकारिक कथं सिफारिस याःगु धकाः जानकारी ब्यूगु खः। समितिया नायः लक्ष्मीनाथ शर्मा पाखें जारी विज्ञप्तिया कथं थुगुसीया ओस्कार धेंधेंबल्लाया निंतिं निगू नेपाली संकिपा ‘तिनीहरू–एलिफेन्ट्स इन द फग’ व ‘गौँथली’ दुतिंगु खः।

उकी मध्यय् एकेडेमीया मापदण्ड कथं उत्कृष्ट संकिपा ल्ययेत समितिं थी थी पक्षया मूल्याङ्कन याःगु खः। संकिपाया प्राविधिक पक्ष, बाखंया प्रस्तुति, चरित्रतय्गु भावनात्मक विश्लेषण व कलात्मक शिल्पयात ध्यानय् तयाः याःगु दुग्यंकं अध्ययन लिपा ‘तिनीहरू–एलिफेन्ट्स इन द फग’यात उत्कृष्ट क्वःछिनाः ल्यःगु समितिं धाःगु दु।थ्व लिसें आः उगु संकिपा हलिमय् हे प्रतिष्ठित तायेकातःगु ओस्कार अ

वार्डया अन्तरराष्ट्रिय फिचर फिल्म विधाय् नेपाःया पाखें धेंधेंबल्ला याइगु जूगु दु। 

Categorized in मनोरन्जन