नेपाल कम्युनिष्ट पार्टी (एमाले)या नायः लिसें पूर्वप्रधानमन्त्री केपी शर्मा ओलीं संविधानया पक्षधर शक्तित छ थाय् दना संविधानया रक्षा व राष्ट्रिय एकता सुदृढ यायेमाःगुलिइ बः बियादीगु दु।

संविधान दिवसया झ्वलय् स्वदेश व विदेशय् च्वंपिं नेपाःमितय्त भिंतुना बियादिसें वय्कलं देय्यात बचे यायेत संविधानया पक्षधर शक्तित छधीइ जुइमाः धयादिल। लोकतान्त्रिक, वामपन्थी, देशभक्तिपूर्ण नापं थी थी वर्ग, क्षेत्र व समुदायया आन्दोलनया झ्वलय् मदुपिंत श्रद्धाञ्जली देछासें नायः ओलीं संविधान जारी जुइ धुंकाः देशं भोगे याःगु नाकाबन्दी थेंजाःगु कठिन परिस्थितिं संविधानया रक्षा व राष्ट्रिय एकताया निंतिं प्रेरित याःगु लुमंकादिल।

संविधान निर्माणया कठिन ईयात सामना यानाः थःगु पार्टी नेतृत्वया सरकारं चीहाकःगु इलय् हे कानुन निर्माण नापं संरचनात्मक विकासपाखें संविधान कार्यान्वयनया चरणय् थ्यंकूगु दाबी नं वय्कलं यानादिल। 

Categorized in राष्ट्रिय