राष्ट्रपति रामचन्द्र पौडेल संविधान दिवसया लसताय् सैनिक मञ्च तिंख्यलय् थौं ग्वसाःग्वःगु विशेष समारोहय् झायादीगु दु।

उगु झ्वलय् नेपाली सेनां राष्ट्रपति पौडेलया सम्मानय् सलामी देछाःगु खः। विशेष समारोहय् नेपाली सेना, सशस्त्र प्रहरी बल नापं नेपाल प्रहरीं मार्च पास नापं ब्याण्ड प्रदर्शन याःगु खः।

सैनिक हेलिकप्टरं संविधान दिवस नापं राष्ट्रिय दिवस २०८३ च्वयातःगु ब्यानर प्रदर्शन याःगु खः। संविधान दिवस नापं राष्ट्रिय दिवस मूल समारोह समितिं ग्वसाः ग्वःगु समारोहय् उपराष्ट्रपति रामसहायप्रसाद यादव, प्रधानमन्त्री वालेन्द्र शाह, प्रधानन्यायाधीश डा मनोजकुमार शर्मा, सभामुख डोलप्रसाद अर्याल, राष्ट्रिय सभाया नायः नारायणप्रसाद दाहाल, सुरक्षा अङ्गया प्रमुख, नेपाल सरकारया विशिष्ट पदाधिकारी, कूटनीतिक नियोगया प्रतिनिधिपिनिगु ब्बति दुगु खः।

Categorized in राष्ट्रिय