नेपाली कांग्रेसया १५ क्वःगु महाधिवेशन अन्तर्गत थौं बन्दसत्र क्वचायेत्यंगु दु। बन्दसत्रय् ब्वति कयादीपिं महाधिवेशन प्रतिनिधिपिंसं सभापति गगनकुमार थापां न्ह्यब्यादीगु राष्ट्रिय पुनर्जागरण व समुन्नतिया राजनीतिक प्रस्ताव, उपसभापति विश्वप्रकाश शर्माया राजनीतिक संस्कृतिया क्षय व युगानुकूल रूपान्तरणया अभिभारा सम्बन्धी समसामयिक प्रस्ताव, महामन्त्री गुरुराज घिमिरेया सङ्गठन सम्बन्धी प्रतिवेदन व कोषाध्यक्ष उमेश श्रेष्ठया आर्थिक प्रतिवेदन पारित याइगु ज्या धलः दु।

थ्वसिबें न्ह्यः सोमबाः निसें मदिक्कं उगु प्रतिवेदनयात कयाः महाधिवेशन प्रतिनिधिं छसिकथं बिचाः यानाच्वंगु  सुचं, सञ्चार लिसें प्रविधि समितिया दुजः सदस्य डा सुरेश आचार्यं जानकारी बियादिल। सहलहय् न्हय्गू प्रदेशया लिसें भ्रातृ नापं शुभेच्छुक संस्थाया प्रतिनिधिपिंसं नापं ब्वति कयाच्वंगु दु।

Categorized in राष्ट्रिय