२०८३ मङ्सिर १, सोमबार

पोर्चुगलय् नेपाली राजदूतावासं नेपाल संवत छ्यलं

लहनान्युज | कछलाथ्व ११४७, कार्तिक २९ आईतवाः

पोर्चुगलय् च्वंगु नेपाली राजदूतावास लिस्वनं थःपिनिगु आधिकारिक सुचं पतिइ विक्रम संवत् व इस्वी संवत् लिसें नेपाःया मौलिक राष्ट्रिय संवत् ‘नेपाल संवत्’ नं छ्यलाबुलाय् हःगु दु।

राजदूतावासपाखें २०८३ कार्तिक २७ गते (२०२६ नोभेम्बर १३) य् जारी याःगु आधिकारिक सुचं पतिइ ने.सं. ११४७ कछलाथ्व चतुर्थी च्वयातःगु खः ।थ्वसिबें न्ह्यः छगू ज्याझ्वलय् अभियन्ता गंगाबहादुर नेम्कुलं नेपाल संवत् व विक्रम संवतया ऐतिहासिक पृष्ठभूमि, महत्व व नेपाःया राष्ट्रिय म्हसीकालिसे स्वाःगु नेपाल संवतया गौरवपूर्ण इतिहासया विषयस ध्वाथुइकेगु ज्या याःगु खः ।

वहे झ्वलय् नेम्कुलं नेपाल संवतयात राष्ट्रिय म्हसीका व ऐतिहासिक सम्पदाया रुपं सम्मान यासें विदेशय् च्वंगु नेपाली दूतावासया आधिकारिक पत्राचार, सुचं व प्रशासनिक ज्याय् तकं थुकिया छ्यलाबुलायात प्राथमिकता बिइमाःगु माग तःगु खः ।

Categorized in राष्ट्रिय