वडा अध्यक्ष योगेश कुमार खड्गी सम्मानित
लहनान्युज | कछलाथ्व ११४७, कार्तिक २९ आईतवाः
नेपाल संवत न्हूदँ राष्ट्रिय समारोह समिति ११४७ या नायः सुगतरत्न कंसाकारं येँ महानगरपालिका २७ या वडा अध्यक्ष योगेश कुमार खड्गीयात सुभाय् पौ लःल्हासें छगु ज्याझ्वः दथुइ सम्मान यानादीगु दु।
भिंतुना कालबिल कौला ज्याझ्वलय् वडा अध्यक्ष खड्गीयात सुभाय् पौ लिसें खादा न्ययेकाः थथे सम्मान याःगु खः। वडा अध्यक्ष खड्गीं नेपाल संवतयात प्रचारप्रसार यायेगु नितिं व नेवाः साहित्यकारपिन्त लुमंकाः वंगु कार्तिक ३० गते येँया नाचघरय् बहुभाषी कविता गोष्ठी यानादीगुलिं वय्कःयात थुकथं सम्मान याःगु खः ।
येँ मनपा २७ वडाया ग्वसालय् जनकवि दुर्गालाल श्रेष्ठ, साहित्यकार नारायणदेवी श्रेष्ठ व कवि पत्रकार सुरेश किरण मानन्धरया लुमन्तिइ याःगु बहुभाषी कविता गोष्ठीइ ५० म्हं अप्वः कवि व कवयित्रीपिन्सं नेपाल संवतयात कयाः कविता वाचन याःगु खः।
Categorized in राष्ट्रिय