ट्रम्प, पुटिन व सी जिनपिङ दथुइ बैठक क्वचाल
लहनान्युज | कछलाथ्व एकादशी ११४७, मंसीर ४ शुक्रवाः
अमेरिकी राष्ट्रपति डोनाल्ड ट्रम्पं रुसी राष्ट्रपति भ्लादिमिर पुटिन व चिनियाँ राष्ट्रपति सी जिनपिङाप त्रिपक्षीय बैठक क्वचायकूगु दु।
बैठकलिपा ट्रम्प एयरफोर्स वान विमानय् सवार जूया अमेरिकाय् लिहावंगु दु। बैठकस्थलपाखे पिहावःगु किपा सार्वजनिक जूगु दु।रुसी सरकारी सञ्चारमाध्यमया कथ पुटिन न बैठकस्थलं पिहावःगु दु।
सार्वजनिक भिडियोनाप चिनियाँ राष्ट्रपति सी न पुटिनयात वयागु गाडी तक तंवःगु खः। रुसी समाचार एजेन्सी तासया कथं स्वम्ह नेता दथुइ बैठक करिब डेढ घण्टा तक न्ह्यागु खः। बैठकलिपा स्वम्ह हे राष्ट्रपतिं सञ्चारमाध्यम तयेत छु न प्रतिक्रिया ब्यूगु मदु।
बैठक सुरु जुइ न्ह्यः ट्रम्पं स्वगु देय् या नेतातय्गु उपस्थितिइ बःचा हायेक सम्बोधन याःगु खः। हलियकं परमाणु हतियार फैलं जयावःगु जोखिम दिकेगु निति स्वंगू देय् दथुइ मिले जुया ज्या यायेमाःगुलि बःबिउगु खः।
Categorized in अन्तर्राष्ट्रिय