किपुलिइ न्हूदँ ¥याली
लहनान्युज | कछलाथ्व त्रयोदशी ११४७, मंसीर ६ आईतवाः
नेवाः देय् दबू किपू नगर समितिपाखें ने.स.११४७ कछलाथ्व एकादशी (२०८३ मंसीर ५) सनिवाः किपुलिइ छगू ज्याझ्वःया दथुइ न्हूदँ ¥याली याःगु खलः पुचः व स्थानीय पाठ्यक्रम स्थानीय भाषा नेपालभाषां ब्वंकाच्वंगु ब्वनेकुथियात हनापौ नापं आइकवं न्हूदँ हनीगु खलः पुचःयात सगंपौ लःल्हाःगु दु ।
देय् दबूया केन्द्रीय मूछ्याञ्जे श्रीकृष्ण महर्जन नेवाःया मूपाहांसुइ जूगु २७ क्वःगु शंखधर दिवसया लसताय् ‘नेपाल सम्वत व नेपालभाषा छ्यलाबुलाय् समुदाय्या भुमीका’ विषयसं सहलह ज्याझ्वःयासें उगु कथं हनापौ व सगंपौ लःल्हाःगु खः।दबू किपू नगर समितिया नायः बुद्धिलाल ज्यापुया नायःसुइ जूगु उगु ज्याझ्वः न्ह्याकामिः वीरमाया महर्जन जुयादीगु खःसा ज्याझ्वलय् किपू नगर समितिया छ्याञ्जे अर्जुन नेपाःमिं, किपुलिइ नेपाल संवतया न्हूदँ भिंतुना ज्याझ्वः म्हिगःनिसें थौं तकया अवस्था, चुनौति व आः समुदायया भूमिका विषयसं कनादीगु खः, अथे हे नेवाः देय् दबू येँ जिल्लाया न्वकू रामभोला महर्जनं पांगाया, देय् दबू वडा नं. ५ या नायः विरेन्द्र महर्जनं च्वबाहाः क्वयना लागायया, किपू नगर समितिया सल्लाहकार रामचन्द्र डंगोलं भाजंगः, स्वनिगः विशेष प्रदेश समितिया छ्याञ्जे सरल गोपाल महर्जनं किपू नगरपालिकां नेपाल संवतयात गुगु कथं छ्यलाबुला यानाच्वंगु दु अले आःया चुनौति छु छु खः धैगु खँ कनादीगु खः।
थुगुसी नेपाल संवत ११४७ न्हूदँ ज्याझ्वः हंगु कुतुझ्वः आःखाः खलः, भाजंगल लबछेँलि दाफा खलः व जय सन्तोषी मां मिसा पुचःयात हनपौ अथे हे स्थानीय पाठ्यक्रम स्थानीय भाषा नेपालभाषां ब्वंकाच्वंगु ब्वनेकुथित कीर्तिपुर माध्यामिक विद्यालय, हिलटाउन माध्यामिक विद्यालय, इन्द्रायणी आधारभूत विद्यालय, विश्व राष्ट्रिय मा. विद्यालय, गृहिणी महिला विद्यालय,बाघमैरव माध्यामिक विद्यालय, जनसेवा माध्यामिक विद्यालय, राराहिल माध्यामिक विद्यालय, छुगां, बालकुमारी माध्यामिक विद्यालय, आदिनाथ माध्यामिक विद्यालय, टौदह माध्यामिक विद्यालय, वैष्णुदेवी माध्यामिक विद्यालय, नवज्योती आधारभूत विद्यालय, पांगा माध्यामिक विद्यालय, नम्ख्वाः, बाघमैरव आ. माध्यामिक विद्यालय, मंगल माध्यामिक विद्यालय व गोरखनाथ मा विद्यालय नापं याना १७ गू ब्वनेकुथियात हनापौ मूपाहां श्रीकृष्ण महर्जनंं लःल्हानादीगु खः।
Categorized in राष्ट्रिय