२०८३ मङ्सिर ७, आइतबार

राष्ट्रपति रामचन्द्र पौडेल जनबहालय्

लहनान्युज | कछलाथ्व त्रयोदशी ११४७, मंसीर ६ आईतवाः

राष्ट्रपति रामचन्द्र पौडेल कनक चैत्य महाविहार, जनबहाःद्यःया देगः लागाय् जगत् कल्याण व शान्तिया निंतिं ५० दँलिपा ग्वसाः ग्वःगु महायज्ञय् सहभागी जुयादीगु दु।

आर्यावलोकीतेश्वर सुधार समूहया ग्वसालय् जूगु उगु महायज्ञ बिहीबाःनिसें न्ह्याःगु खः। महायज्ञया अन्तिम दिं राष्ट्रपति पौडेल न्हापांम्ह मिसा सविता पौडेललिसें सहभागी जुयादिगु खः।

महायज्ञय् अग्नि स्थापना, तोंछा पुजा, धर्म देशना, स्वस्तिक वाचन व धार्मिक पुजापाठलिसें विधित दुथ्याकातःगु नेपाःया नेवाः बौद्ध लिसें तान्त्रिक परम्परा: स्वनिगःया नेवाः संस्कृति अथे धइगु विशेषयानाः बज्रयान बौद्ध परम्पराय् अयूता हुति महायज्ञयात तसकं दुर्लभ व महत्त्वपूर्ण तायेकीगु आर्यावलोकीतेश्वर सुधार पुचःया नायः निलकाजी शाक्यं जानकारी बियादिगु दु।

Categorized in राष्ट्रिय