शखधर साख्वाःया झ्वाता बिष्णुमतिइ पुनःस्थापना
लहनान्युज | कछलाथ्व त्रयोदशी ११४७, मंसीर ६ आईतवाः
नेपाल सम्बतया प्रवर्तक राष्ट्रिय विभूति शंखधर साख्वाःया झ्वाता बिष्णुमति लिंकरोड तब्या यायेगु झ्वलय् पार्कं लिकनातःगु शंघधर साख्वाःया झ्वाता तःदँ लिपा हाकनं पार्कय् हे पुनःस्थापना यायेगु ज्या जूगु दु ।
येँ महानगरपालिकाया कार्यवाहक मेयर सुनिता डंगोलंया मूपाहाँसुइ परोपकार उच्च माध्यमिक विद्यालयया प्रांगनय् न्हू पुचलं याःगु खः। न्हू पुचःया नायः मनरत्न शाक्यया सभाध्यक्षताय् जूगु उगु ज्याझ्वलय् ज्याझ्वलय् मूपाहाँ येँ महानगरपालिकाया कार्यवाहक मेयर सुनिता डंगोलं नं थुगु ज्याझ्वः तसकं महत्वं जाःगु ज्याझ्वः जूगु धारणा प्वंकादीगु खः।
ज्याझ्वलय् पाहाँपिं न्हूदँ समारोह समितिया पुलांम्ह नायः प्रेमहिरा तुलाधर, येँ २० वडाया पूर्व नायः विजयकृष्ण श्रेष्ठ थःथःगु खँ तयादीगु खः। न्हू पुचःया छ्यान्जे नविन रञ्जितं न्ह्याकादीगु थुगु ज्याझ्वलय् पुचःया न्वकू धर्मरत्न बज्राचार्यं लसकुस न्वचु बियादीगु खः ।
Categorized in राष्ट्रिय