येँय् ‘सिरिन्ज’ आक्रमण जुया च्वंगु दु
लहनान्युज | तछलागा तृतिया ११३९ (जुन २० २०१९)
थौं कन्हय येँ ‘सिरिन्ज’ आक्रमण जुया च्वंगु दु । थ्व लच्छिया दुने प्यम्ह मिसा पिन्त थःथे ‘सिरिन्ज’ आक्रमण जुइ धुकुगु दु । छु दिं न्ह्यः न येँया डल्लुइ थथे हे घटना जुगु दु ।
थःथे सिरिन्ज आक्रमण जुया प्यम्ह मिसापिन्त वासः याकेगु लागि येँया टेकुइ शुक्रराज ट्रपिकल व सरुवा रोग अस्पताल वासः याका च्वंगु दु ।
आक्रमणकारी तयेस बहनि मोटरसाइकलय् वया आक्रमण यागु खः । आक्रमणकारी पिन्स एचआइभी वा हेपाटाइटिस बी व सी संक्रमित सिरिन्ज प्रहार याःगु अनुमान चिकित्सक पाखे याःगु दु ।
थ्व एचआइभी, हेपाटाइटिस ‘बी’ व ‘सी’ थे जाःगु ल्वय् सिरिन्जया माध्यमं मेम्ह मनूयात याउक ल्वय् सरे याये फइ ।
थ्व ल्वय् संक्रमण जुगु मजुगु रिपोर्ट वयेत हे कम्तीइ न स्वला लगे जुइ धका चिकित्सकं धाःगु दु इपिं प्यम्ह मिसापिं २० निसे ३० दँया पि खः।
