अष्ट्रेलिया सेमिफाइनलय् थ्यन
लहनान्युज | तछलागा नवमी ११३९ (जुन २६ २०१९)
विश्वकप क्रिकेटय् घरेलु आयोजक इंग्ल्यान्डयात बुका अष्ट्रेलिया सेमिफाइनलय् थ्यःगु दु ।
मंगलवाः चान्ह्य जुगु कासाय् इंग्ल्यान्डयात ६४ रनं अष्ट्रेलिया बुका सेमिफाइनल थ्यंगु खः।
आः जुया च्वंगु विश्वकप क्रिकेटय्् सेमिफाइनल थ्यःगु न्हापा टिम अष्ट्रेलिया जुगु दु ।
लन्डनया लर्ड्सय् टस बुना न्हापां ब्याटिङ यासे अष्ट्रेलियाें निर्धारित ५० ओभरय् ७ विकेटया क्षतिइ २८५ रन दयेकुग खः मेम्ह ओपनर डेभिड वार्नर ५३ रन, स्टेभन स्मिथ ३८ रन, एलेक्स क्यारी ३८ रन, उस्मान खवाजा २३ व ग्लेन म्याक्श्वेल १२ रन दयेकुगु खः । बलिङपाखे क्रिस वोक्सं निगु विकेट काःगुु खः ।
२८६ रनया मध्यम लक्ष्य ज्वना ब्याटिङ यासे इंग्ल्यान्ड ४४.४ ओभरय् २२१ रन दयेका अलआउट जुगु खः ।
इंग्ल्यान्डयात अष्ट्रेलियाया जासन बेहरेन्र्डोफं १० ओभर बलिङ यासे ४४ रन बिया न्याःगु विकेट व मिचेल स्र्टाक प्यंगु विकेट काःगु खः ।
