अमेरिकाय् शक्तिशाली भुखाय् ब्बःल
लहनान्युज | दिल्लाथ्व तृतिया ११३९ (जुलाइ ४ २०१९)
अमेरिकाय् शक्तिशाली भुखाय् ब्बःगु दु । क्यालिफोर्निया राज्यया लस एन्जलसपाखे उत्तरपूर्वय् रिजक्रेस्ट नगर केन्द्रविन्दु जुया ६.४ रेक्टर स्केलया भुखाय् ब्बःगु खः ।
आः तक दक्षिण क्यालिफोर्नियाय् निगु दशकय लिपा थःथे तसकं भुखाय् ब्बःगु धका धाःगु दु । उगु भुखाचं गुलि भौतिक क्षति जुल धका सिइ मदुनिसा मानवीय क्षतिबारे न सिइ मदुनि ।
उगु भुखाय् ब्बःगु धक्का नेभादा राज्यया लास भेगास तक महसुस जुगु खः । भुखाचं करिब निगु दर्जन ति थासय् मिं न नःगु खः । छु मनूत घाइतया उद्धार यासे अस्पताल छ्वया बिगु खः ।
६.४ रेक्टर स्केलया भुखाय् ब्बःगु लिपा आः न निरन्तर परकम्प जुया च्वंगु दु । अमेरिकी भूगर्भ निकाय (यूएसजी) न भूकम्पविद् पिन्स आ न परकम्प वनातु च्वनि धका न धाःगु दु ।
