रुपज्योतियात त्वःतेत माग ज्वना माईतीघरय् धर्ना
लहनान्युज | कछलाथ्व चर्तुदशी ११४० (नोभेम्वर ११ २०१९)
नांजाःम्ह उद्योगी नाप व्यवसायी डा.रुपज्योति कंसाःयात ठगी मुद्दाय् ज्वंगुया विरोध असनय् मुना माईतीघरय् धर्ना ज्याझ्वः जुगु दु ।
डा. रुपज्योति ज्वंगुयात कया नेपालउद्योग वाणिज्य महासंघ, उदाय् समाजलिसें थीथी संस्थां विज्ञप्ति जारी यानाः भत्सर्ना याःगु दु ।
डा.रुपज्योतियात त्वःतेगु माग यासें उदाय् समाजया ग्वसालय् येँया माईतीघर मण्डलाय् धर्ना ज्याझ्वः जूगु दु । येँया असनय् मुनाः नाराबाजी यासें माईतीघर वंगु खः ।
धर्नाय् थ्यंपिं प्रदर्शनकारी तय्सं ‘व्यक्तिगत रिसइबी छ्यले दइमखु, पूर्वाग्रहतयाःथुनाय् तय् दइमखु, सुया दबाबय् धरपकड यानाःथुनाय् तया?’ लिसें च्वयातःगु प्लेकार्ड ज्वनावःगु खः ।
ठगी याःगु द्वपनय् वंगु बिहिबाःप्रहरीं रुपज्योतिलिसें वय्कःया म्ह्याय् सुरुचियात त्रिभुवन अन्तर्राष्ट्रिय विमानस्थलय् नं ज्वना यंकूगु खः ।