कोरोना भाइरसं भारतय् डाक्टर छम्ह मन्त
चौलागा पारु ११४०, चैत्र २७
भारतया मध्य प्रदेशय् कोरोना भाइरस (कोभिड–१९)या कारण छम्ह डाक्टर सिइगु दु ।
६२ दँयाम्ह उम्ह डाक्टर शत्रुघ्न पञ्जवानीे कोरोना भाइरसया कारण सिइगु खः ।
उगु घटनायात कया प्रदेशया मुख्यमन्त्री शिवराज चौहानं सामाजिक सञ्जालपाखे कोभिड–१९ विरुद्ध ल्वाना च्वम्ह डाक्टरया आत्माया शान्तियाःगु कामना यानादिगु खः ।
भाइरसया संक्रमण पुष्टि जुया वास याका च्वगु खः । तर, वयागु अवस्था गम्भीर खने दुगु खः ।
थौं सुथय् मदुगु खः । मध्यप्रदेशय कोरोनाया कारण मदुम्ह न्हापाम्ह डाक्टरको खः ।
डाक्टर सिइगुलि प्रशासनं स्वास्थ्यकःमिपिन्त विशेष सावधानी अपने यायेत सुझाव बिगु खः ।