खड्गी सेवा समितिं बसन्तपुरय् हिदान यात
नृपेन्द्रलाल श्रेष्ठ | तछलाथ्व अष्टमी ११४०,जेठ १७ शनिवाः

नेपाल खड्गी सेवा समितिं लकडाउनया इलय् न येँया बसन्तपुरय् हिदानया ज्याझ्वः याःगु दु ।
समितिया ४७ क्वःगु बुदिं नाप १२ क्वःगु नायः दिवसया लसताय् हिदान ज्याझ्वः याःगु खः ।
येँया बसन्तपुरय् जूगु उगु ज्याझ्वलय् ३८म्हेसिया हिदान याःगु खः ।
कोभिड(१९ विरुद्धया अभियान सफल यायेनु धाइगु नारा सहित हिदान ज्याझ्वः जूगु खः ।
हिदान याःपिंत समितिया अध्यक्ष अञ्जिता खड्गीं दसिपौ लःल्हानादीगु खः ।