प्रदेश १य् थप न्याम्ह कोरोना संक्रमण पुष्टि
लहनान्युज | तछलाथ्व नवमी ११४०,जेठ १८ आइतवाः
प्रदेश १य् हाकन कोरोना संक्रमण पुष्टि जुगु दु । थौं आइतवाः झापाय् प्यम्ह व मोरङय् छम्हेसित कोरोना संक्रमण पुष्टि जुगु दु ।
कोसी अस्पताल विराटनगरया प्रयोगशालाय् याःगु परीक्षणय् झापाया गौरीगञ्ज गाउँपालिकाया प्यम्हेसित व विराटनगर महानगरपालिकाया छम्हेति कोरोना पुष्टि जुगु दु धका प्रदेश १ सामाजिक विकास मन्त्रालयं धाःगु दु ।
संक्रमितपि दक्को भारतपाखे वःगु धका धाःगु खः ।
गौरीगञ्ज ६ य् प्राथमिक स्वास्थ्य चौकीइ च्वपि ५१म्ह मध्ये प्यम्ह मिजंयात कोरोना संक्रमण पुष्टि जुगु दु ।
संक्रमित पिनिगु अवस्था सामान्य जुगु धका न धाःगु दु ।
संक्रमित मिसा भारतं वया होम क्वारेन्टाइनय् च्वना च्वपि खः ।
