नेपालय् २७८ म्ह कोरोनाया संक्रमण
लहनान्युज | तछलाथ्व पुन्ही ११४०,जेठ २३ शुक्रवाः
नेपालय् थौं शुक्रवाः हाकन थप २७८म्हेसित कोरोनाया संक्रमण खने दुगु दु । संक्रमण खने दुपि मध्ये २६७म् ह मिजंत व ११म्ह मिसापि खः ।
थौं स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं येँया राष्ट्रिय जनस्वास्थ्य प्रयोगशालाय् याःगु परीक्षणय् थप ७४म्हेसित संक्रमण खने दुगु धका धाःगु दु ।
उकी मध्ये कपिलवस्तुया ४४म्ह, मोहतरीया १७म्ह, रौतहटया ६म्ह, धनुषाय् ४म्ह व बाराय् १म्ह दु । अथेहे येँया अस्पतालय् वासः याकाच्वंपिं गुल्मी व कास्कीया छम्ह छम्हेसित नं संक्रमण खन् दुगु खः ।
कर्णाली स्वास्थ्य विज्ञान प्रतिष्ठानय् याःगु परीक्षणय् ९७म्हेसित कोरोनाया संक्रमण खनेदुगु खः । अप्व दैलेखया ९०म्हेसित संक्रमण जूगु खः ।
अथेहे देय्या थीथी थासय् जूगु मेगू परीक्षणय् थप १ सय ७ म्हेसित संक्रमण जूगु दु । थ्व नापं नेपालय् संक्रमण जूपिनि ल्याः २०९१२ म्ह थ्यंगु दु ।
थौं कास्की, गोरखा व हुम्लाय् नं संक्रमण खनेदुगु दु । थ्व नापं नेपाःया ६८गू जिल्लाय् कोरोनाया संक्रमण खने दये धुकुगु दु ।
