गृहया निर्देशन लिपा साँगा नाकाय् थौनिसे कडा
लहनान्युज | दिल्लागा द्धितीया ११४०,असार २३ मंगलवाः
गृह मन्त्रालयया निर्देशनयात पालना यासे स्वनिगलय् दुहा वयेगु पूर्वी नाका साँगाय् थौ कडा याःगु दु ।
थुगु थासय् स्वनिलय् दुहा वइपि अप्वगुलि ख्वपया प्रहरीं थप सर्तकता अपने यानागु धका महानगरीय प्रहरी परिसर भक्तपुरया प्रमुख एसपी तारादेवी थापां धयादिगु दु ।
एसपी थापां गृह मन्त्रालयया निर्देशनयात पालना यासे थुगु नाकापाखे दुहा वइपिन्त व यात्रुपिं सरकारं जारी याःगु निर्देशन पालना याना वःपिँत जक दुहा वयेका बिया च्वनागु धका जानकारी बियादिगु खः ।
ख्वपया साँगा नाका जुया न्हि न्हि १५०गः स्वया अप्व सवारी साधन व न्यासःति मनूत दुहा वया च्वंगु दु ,। अथेहे झन्डै स्वद्धःति सवारी साधान नाप खुद्धःति मनूतयेत लितः छ्वये याना च्वनागु दु धका एसपी थापां जानकारी बियादिगु दु ।
गृह न स्वनिगलय् दुहा वयेत छगू थासं मेगू थासय् वनेत स्थानिय सरकार नाप समन्वय याना प्रशासनं पास उपलब्ध याना वयाच्वंगु नाप आरडिटि व पिसिआरया रिर्पोट म्वाः धका महानगरीय प्रहरी वृत्त जगातिया प्रमुख डिएसपी चक्रराज जोशीं धयादिगु खः ।
Categorized in राष्ट्रिय