येँ १६म्ह,यलय् ७म्ह नाप २३म्हेसित कोरोना संक्रमण
शोभा श्रेष्ठ | दिल्लागा तृतीया ११४०,असार २४ बुधवाः
थौं बुधवाः येँ व यलय् याना २३म्हेसित कोरोना संक्रमण खने दुगु दु ।
स्वास्थ्य तथा जनसंख्या मन्त्रालयया कथं येँ १६ म्ह व यलय् ७म्हेसित कोरोना संक्रमण पुष्टि जूगु दु धका धाःगु दु ।
थौंं धाःसा ख्वपय् छम्ह न कोरोना संक्रमण पिहा वःगु मदु । थौ येँ व यलय् पिहा वपि संक्रमितपि गन थासय् च्वपि धका मन्त्रालयय् न मधाः ।
राष्ट्रिय जनस्वास्थ्य प्रयोगशाला टेकुइ परीक्षण यागुलि येँया खुम्ह व पाटन अस्पतालय् याःगु परीक्षणय् येँया १०म्ह व यलय् ७ म्हेसित कोरोना संक्रमण पुष्टि जूगु धका धाःगु खः ।
