येँ न्याम्हसित कोरोना संक्रमण
लहनान्युज | दिल्लागा सप्तमी ११४०,असार २८ आइतवाः
थौं आइतवाः नेपालय् ८२म्हेसित कोरोना भाइरस संक्रमण खने दुगु दु । ३९१६म्हसिगु पीसीआर परीक्षणलिपा ८२म्हेसित कोरोना संक्रमण खनेदुगु धका स्वास्थ्य तथा जनसंख्या मन्त्रालयं धाःगु दु ।
नेपालय् थुगु ल्याखं आ कोरोना भाइरस संक्रमितपि १६८०१ म्ह थ्यःगु दु ।
येँ न्याम्ह व यलय् छम्हेसित कोरोना संक्रमण खने दुगु खः । आः वासः यानाच्वपि ८१७४म्ह दु ।
थौं आइतवाः जक जक १४७म्ह डिस्चार्ज जूगु दु ।
आः तक कोरोना भाइरस संक्रमणया वासः याका छेँ लिहावःपि ८५८९ म्ह थ्यःगु दु ।