जितेन्द्र रसिकया‘पव्लिक स्पिकिङ’पिहावल
शोभा श्रेष्ठ | गुंलाथ्व १३ ११४०, साउन १७ गते
पत्रकार नाप साहित्यकार जितेन्द्र रसिकया पत्रकारिता, उद्घोषण व भाषण कला सम्वन्धि सफू ‘पव्लिक स्पिकिङ’ छगू ज्याझ्वः दथुइ सार्वजनिक याःगु दु ।
पत्रकार महासंघया पूर्व केन्द्रिय सदस्य ईश्वरीप्रसाद वाग्ले, प्रकाशक यज्ञराज न्यौपाने व बद्रि अधिकारीं मंकाः कथं उलेज्या यानादिगु खः । उगु सफू गृह ब्रदर बुक्सं प्रकाशन याःगु खः । कोभिड १९ कोरोना भाइरसया जोखिमयात ध्यानय् तया प्रकाशन गृहय् सफू पिथनागु धका च्वमि जितेन्द्र रसिकं लहनान्युजयात धयादिगु दु ।
उगु सफू पत्रकारिता सयेकेगु लागि व उद्घोषण व भाषणकला सयेकेगु लागि उपयोगी जुइगु धकाः वाग्लें धयादिगु खः । च्वमि रसिकं नेपाः थे विकासोन्मुख देशय् सञ्चार व सञ्चारगृह व्यावसायिक रूप न्ह्यने वःगु इतिहास यक्को मदुगु धका न धयादिगु खः ।
वःगु इलय् सञ्चार क्षेत्र आकर्षण अप्वया वःगु धयादिेि च्वमि रसिकं थुगु सफू सञ्चार क्षेत्र वा उद्घोषण क्षेत्रय् वये मनदुपिनिगु लागि थुगु सफूति ग्वाहालि जुइगु धका धयादिगु खः ।
निदँया पत्रकारिता ज्यानादिइ धुकुम्ह च्वमि रसिकं थःगु अनुभव न्हुगु पुष्ताया लागि उपयोगी जुइगु रेडियो, टेलिभिजन, पत्रिका व अनलाइन पत्रकारिताय् वयेत ग्वाहालि जुइ धका धयादिगु दु । च्वमि रसिकया थ्व झीगु सफू खः ।
थुगु सफू छु ई लिपा पसः पसलय् थ्यनि धका वितरक नाप प्रकाशक यज्ञराज न्यौपाने धयादिगु दु ।
