पर्साया प्रतिनिधिसभा सदस्य सांसद प्रदीप यादव कोरोना पुष्टि
लहनान्युज | गुंलाथ्व १२ ११४०,साउन १७ शनिवाः
प्रतिनिधिसभा सदस्य प्रदीप यादव नाप पर्साय् थप ६४ म्हेसित कोरोना भाइरस संक्रमण पुष्टि जूगु दु । नारायणी अस्पतालया प्रयोगशालाय् याःगु परीक्षणय् १५ निसे ६८ दँयापिन्त ६४ म्हेसित कोरोना संक्रमण पुष्टि जूगु दु । संक्रमित मध्ये स्वम्ह मिसापि खः ।
नारायणी अस्पतालया मेडिकल सुपरीटेन्डेन्ट कथं सांसद यादव नाप इमिगु स्वाब बिःगुलि मेपि निम्ह नारायणी अस्पतालया चिकिसक व कर्मचारी यानानिम्ह, मास टेष्टिङया झ्वलय् स्वाब संकलन याना ४३म्ह, कन्ट्याक्ट ट्रेसिङय् प्यम्ह व नारायणी बयोधा अस्पतालया निम्हेसित कोरोना संक्रमण खने दुगु खः ।
वीरगञ्ज–१३ राधेमाई च्वम्ह ४० दँया सांसद यादव नाप वया सवारी चालक व पीएसओ संक्रमित जूगु दु ।
रौतहटया चपुर छेँ दुम्ह नारायणी अस्पतालय् ज्या याइम्ह ३४ दँया डाक्टर व अस्पतालय् ज्या याइम्ह छम्ह पारामेडिक्सयात कोरोना संक्रमण खने दुगु दु ।
नारायणी बयोधा अस्पतालय् छ्वःगु स्वाब परीक्षण यागु इलय् वीरगञ्ज–१६ नगवा च्वम्ह ६८ व ५० दँया मिसा, एपोलो अर्थोय् संक्रमितपि कन्ट्याक्ट ट्रेसिङय् वीरगञ्ज–११ श्रीपुरका ५१ व ४२ दँया मिसा, सिर्सिया सुख्खा बन्दरगाहय् ज्या याइम्ह छम्हेसित संक्रमित व आदर्शनगरय् संक्रमित कन्ट्याक्ट ट्रेसिङय् लापि निम्हसित कोरोना संक्रमण पुष्टि जुगु दु ।
