वडाअध्यक्ष श्रीगोपाल महर्जन थुना मुक्त
नृपेन्द्रलाल श्रेष्ठ | गुंलागा ८ ११४०, साउन २८ बुधवाः
यल महानगरपालिका– ३ या वडाअध्यक्ष श्रीगोपाल महर्जनयात थौं बुधवाः साधारण तारेखय् तया थुना मुक्त याःगु दु ।
जिल्ला अदालत ललितपुरं वडा अध्यक्षयात साधारण तारेखय् रिहा यायेत थौं बुधवाः आदेश बिउगु खः ।
वडां दयक्ुगु नाता प्रमाणित पौंयात आधार दयेका मिर्गौला तस्करी याःगु द्धपः बिया नाप उकिइ संलग्नता दुगु आरोपय् वडाअध्यक्ष महर्जनयात वःगु असार २६ गते शनिवाः नेपाल प्रहरी मानव तस्कर ब्युराें नियन्त्रणय् काःगु खः ।
वडां प्रक्रिया पूरा याना कानून बमोजिम याःगु नाता प्रमाणितयात मेडिकल माफियाया गिरोहपिन्स कीर्ते याना वडाअध्यक्ष महर्जनयात फसे याःगु धका थीथी संगठनं वयकःया समर्थंनय् प्रदर्शन तक याःगु खः ।
