४६८म्हेसित कोरोना भाइरसया संक्रमण पुष्टि
शोभा श्रेष्ठ | गुंलागा ११ ११४०,साउन ३१ शनिवाः
वःगु २४ घण्टाय् दुने थौं ४६८म्हेसित कोरोना भाइरस (कोभिड(१९) या संक्रमण पुष्टि जूगु दु ।
देय् यकं प्रयोगशालाय् ११ हजार ४४७ म्हेसिगु नमुना परीक्षण याःगु इलय् ४६८म्हेसित संक्रमण पुष्टि जूगु खः ।
थ्व नाप कोरोना संक्रमितपि २६ हजार १९म्ह थ्यःगु दु । उकि मध्ये १०२म्ह सी धूकुगु दु ।
अथेहे १७ हजार २०१म्ह वासः याका छेँय् लिहा वःगु दु ।
स्वास्थ्य तथा जनसंख्या मन्त्रालयया कथं पीसीआर टेष्ट ५ लाख स्वया अप्वसिगु याःगु दु । आःतक ५ लाख ५ हजार ६६०म्हेसिगु पीसीआर टेष्ट याये धुकुगु दु ।
