बायर्नं त्याकल खुक्वःगु पटक च्याम्पियन्स लिग उपाधि
शोभा श्रेष्ठ | ञंलाथ्व ६ ११४०,भाद्र ८ सोमवाः
जर्मन क्लब बायर्न म्युनिखं खुक्वःगु पटक यरोपियन च्याम्पियन्स लिगया उपाधि त्याकूगु दु ।
थौं आइतवाः चान्ह्य जूगु फाइनल कासाय् फ्रेन्च क्लब पेरिस सेन्ट जर्मेन (पिएसजी) यात १–० गोलं बुका बायर्नं न्ह्यदँ लिपा च्याम्पियन्स लिग उपाधि त्याकूगु खः ।
पोर्चुगलया लिस्वनय् जूगु कासाय् बायर्नयात त्याकेगु लागि पीएसजीया पूर्वकासामि किंग्स कोमनं छगु जक गोल याःगु खः ।
कासाया ५९ गु मिनेटय् जोसअ किम्मिकया पासय् गोल यासे बायर्नयात अग्रता बिःगु खः ।
फ्रेन्च कासामि उगु गोल हे कासा त्याकिगु लागि पर्याप्त जूगु खः ।
Categorized in कासा
