टी ट्वान्टी क्रिकेटय् ब्राभोया न्यासःगु विकेट
लहनान्युज | ञंलाथ्व ९ ११४०,भाद्र ११ बिहीवाः
वेस्ट इन्डिज क्रिकेटर ड्वाने ब्राभां टी ट्वान्टी क्रिकेटय् कीर्तिमान तःगु दु ।
ब्राभों टी ट्वान्टी क्रिकेटय् न्यासःगु विकेट काम्ह न्हापाम्ह कीर्तिमान तम्ह कासामि जुग दु ।
ब्राभों क्यारेबियन प्रिमियर लिग (सीपीएल) य् ट्रिनबागो नाइट राइडर्सपाखे म्हिता थुगु किर्तिमान तःगु खः । सेन्ट लुसिया जुक्सया ब्याट्सम्यान रहकिम कार्नवालयात पेभिलियन छ्वया थुगु किर्तिमान पूरा यागु खः ।
ब्राभों दक्को कथंया कासाय् ४५९ टी ट्वान्टी कासाय् न्यासःगु विकेटया कीर्तिमान स्थापित याःगु खः । ब्राभोले टी ट्वान्टी क्रिकेटय् दकलय् अप्व पटक किरोन पोलार्डयात आउट याःगु खः । पोलार्डयात गुक्वः तक पेभिलियन छुवःगु खः ।
ब्राभो आईपीएलय् निगु सिजनय् दकलय् अप्व विकेट काःम्ह बलर खः । सन् २०१३ य् चेन्नई सुपर किंग्सया लागि म्हिता दकलय् अप्व ३२ विकेट काःगु खः ।
अथेहे २०१५ य् चेन्नईपाखे म्हिता दकलय् अप्व विकेट काःगु खः । २०१५ य् ब्राभो २६ विकेट काःगु खः ।
बंगलादेश प्रिमियर लिग, बिग ब्यास व च्याम्पियन्स लिग टी ट्वान्टी क्रिकेट् विकेट अप्व काःम्ह ब्रोभो सीपीएलया निगु सिजनय् न अप्व विकेट काःम्ह कासामि खः ।
