गोरखाय् कोरोना संक्रमित मिसां जुम्ल्याहा मचा बुइ कल
लहनान्युज | ञंलाथ्व १० ११४०,भाद्र १२ शुक्रवाः
चितवनया भरतपुर अस्पतालय् गोरखाया छम्ह कोरोना संक्रमित मिसा शल्यक्रियापाखे जुम्ल्याहा मचा बुइ कूगु दु ।
भरतपुर अस्पतालया प्रसुति विभागया चिकित्सक डा. रामप्रसाद सापकोटां शल्यक्रिया लिपा जुम्ल्याहा मचा व मांया अवस्था सामान्य दु धका धाःगु दु ।
गोरखा नगरपालिका–१० छेवेटारया ३७ दँ दुम्ह मिसाम्ह वःगु भदौ १० गते कोरोना संक्रमण पुष्टि जूगु खः । वयात भदौ ८ गते अस्पताल भर्ना याःगु खः । मांम्हेसिया संक्रमण मचायात सरे मजुमा धका अलग्गै तया तःगु दु ।
मांम्हेसिगु कोरोना रिपोर्ट नेगेटिभ मवःतले मचापि नाप अलग्गै तया तयेगु जुइ धका चिकित्सकपिन्स धाःगु दु ।
भरतपुर अस्पतालय् कोरोना संक्रमित मिसापिनिगु अप्रेसन याःगु थ्व निक्वःगु पटक खः ।
Categorized in राष्ट्रिय
