येँ ४९५म्ह नाप स्वनिगलय् ५७२म्ह
लहनान्युज | ञंलागा ८ ११४०,भाद्र २५ बिहीवाः
स्वनिगः दुने छन्हु हे ५७२म्हेसित कोरोना संक्रमण खने दुगु दु ।
स्वास्थ्य तथा जनसंख्या मन्त्रालयं थौं बिहीवाः ग्वसाः ग्वगु पत्रकार सम्मेलनय येँ जक ४९५म्हेसित कोरोना संक्रमण खने दुगु दु धका धाःगुु दु ।
अथेहे ख्वपय् ४३ व यलय् ३४ म्हेसित संक्रमण पुष्टि जुगु धका जानकारी बिःगु दु ।
थ्व स्वया न्ह्यः बुधवाः नियमित मिडिया ब्रिफिङया झ्वलय् स्वनिगलय् जक ४६४ म्हेसित कोरोना संक्रमण खने दुगु धका धाःगु दु ।
आःतक नेपालय् कोरोना संक्रमितपि ५० हजार ४६५ म्ह थ्यःगु खः।
Categorized in राष्ट्रिय