नेवाः पत्रकार सानुकाजि महर्जनं थौं सुथय् आकाझाकां मन्त ।

नेवाः पत्रकार राष्ट्रिय दबू येँ जिल्लाया दांभरिं लिसें झीगु स्वनिगः न्हिपौया पत्रकार वयकः थौं आकाझाकां मदुगु  खः । पीदँ दुम्ह पत्रकार महर्जनं थौं सुथय् ८ः३०ताः इलय् मदुगु खः ।

आइतवाः सुथ न्हापां बेहोस जूम्ह वयकःयात वासः यायेगु नितिं मनामोहन अस्पताल स्रोर्हखुट्टेय् यंकूगु खः । अन हे वासः यायेगु झ्वलय् वयकः मदुगु खः ।

वयकःयात लिपांगु श्रद्धाञ्जली प्वंकेगु ज्या येँया इन्द्रायणी लुतिइ जुयाच्वगु दु ।

थ्व हे दथुइ मदुम्ह महर्जनप्रति नेवाः पत्रकार राष्ट्रिय दबूपाखें श्रद्धाञ्जली प्वंकुसे बिचाः हायेकूगु दु । पत्रकार दबूया सक्रिय दुजः वयकः मदुगुलिं दबूयात तःधंगु क्षति जूगु तकं दबुलिं न्ह्यथंगु दु ।

अथे हे दबुलिं दुःखंकःपिं छेँजःपिन्त धर्य धारणा यायेफयेमा धकाः बिचाः हायेकूगु दु ।

Categorized in राष्ट्रिय