लानिपूखु न्यादँ लिपा चाल
शोभा श्रेष्ठ | कछलाथ्व पारु ११४१, मंसिर १ सोमवाः
तता केँह मदुपि पूजा यायेगु व सिन्ह टिइगु लागि येँया बालगोपालेश्वर द्यः लानिपुखूलि वनेइगु चलन दु।
दँय् दँसं किजा पूजा कुन्हु छन्हु जक चायेकेइगु याना वया च्वंगु खः। थुगु दँय् थौं व कन्ह्य निन्हु चाइगु जुगु दु।
वःगु २०७२ य् तःभुखाचं क्षति जूगु बालगोपालेश्वर द्यः बन्द जुया वयाच्वंगु खः। द्यःया मूर्तियात छाउनीयन संग्रहालयय् तये यकूगु खः।
वःगु दँय् किजापूजा कुन्हु पिने हे पूजा याना वयाच्वंगु खः।राष्ट्रिय पुनर्निर्माण प्राधिकरणं २७ करोड रुपैयाँ खर्च याना कात्तिक महिनाय् लानि पूखु पुनर्निर्माण सम्पन्न जुगु खः।
राष्ट्रपति विद्यादेवी भण्डारीं वःगु कात्तिक ५ गते पूखुया उलेज्या याना बालगोपालेश्वरया प्राणप्रतिष्ठा पूजा न जुगु खः ।विज्ञ समूहया प्रतिवेदन कथं लानिपूखुया बालगोपालेश्वर देगः प्रताप मल्लया पालाय् दय्का तःगु ग्रन्थकुट (शिखर) शैली हे पुनर्निर्माण जूगु खः।
Categorized in राष्ट्रिय
