ब्लड डोनर्सया नायः महेन्द्रबिलाश जोशी मन्त
लहनान्यूज | चिल्लागा षष्ठी ११३७ (मार्च १८ २०१७) |
ब्लड डोनर्स एसोसिशनया नेपाल (ब्लोदान) या नायःलिसें येँ महानगरपालिका १७ वडाया पुलांम्ह जननिर्वाचित वडाध्यक्ष महेन्द्रबिलास जोशी जुयाः मन्त ।
५६दँया जोशी खोटाङ्गया हलेसी महाद्यःया दर्शन यायेगु झ्वलय् हृदयघात जुयाः अन हे मदुगु खः ।
वयकःया सीम्हयात येँय् हयाः शोभा भगवती कर्णदीपय् दाह संस्कार यायेधुंकूगु दु । अन्तिम संस्कार याये न्ह्यः मदुम्ह जोशीया म्हय् नेकपा एमालेया ध्वाँय् फायेकूगु खः ।
उगु इलय् दीपय् थीथी संघसंस्थाया ब्यक्तित्वपिंलिसें नेवाः न्ह्यलुवापिनिगु उपस्थिति दुगु खः ।
मदुम्ह जोशी सिम्रिक परिवार क्लबया पुलांम्ह नायः नं खः । मदुम्ह जोशीया जहानलिसें निम्ह म्ह्यायपिं दु ।
Categorized in राष्ट्रिय
