प्रधानमन्त्री केपी शर्मा ओलीं गुम्ह थप याना मन्त्रिपरिषद विस्तार यासे मन्त्रीपिनिगु न जिम्मेवारी हेरफेर याःगु दु।

शुक्रवाः मन्त्रिपरिषदय् च्याम्ह मन्त्री व छम्ह राज्यमन्त्री थप याःगु दु। थौं शुक्रवाः थप यापि टोपबहादुर रायमाझी, मणि थापा, प्रभु शाह, प्रेमबहादुर आले, गणेश ठगुन्ना, गौरीशंकर चौधरी दावा लामा व जुलीकुमारी महतोपिन्स मन्त्री पदया सपथ काःगु दु सा विमला विश्वकर्मा न राज्यमन्त्रीया सपथ काःगु दु।

मन्त्रिपरिषद विस्तार याये न्ह्यः प्रधानमन्त्रीं युवा तथा खेलकुद मन्त्री जगत विश्वकर्मा व उद्योग, वाणिज्य तथा आपूर्ति राज्यमन्त्री मोती दुगडयात हटे याःगु दु ।

थौं मन्त्री जुपि थुकथं दु

शुक्रवाः विस्तार जूपि मन्त्रिपरिषदय् टोपबहादुर रायमाझीं उर्जा, जलस्रोत तथा सिञ्चाई, प्रभु साह शहरी विकास, मणि थापा खानेपानी तथा सरसफाइ, गौरीशकर चौधरी श्रम, रोजगार तथा सामाजिक सुरक्षा, गणेश ठगुन्ना संघीय मामिला तथा सामान्य प्रशासन, प्रेमबहादुर आले वन तथा वातावरण, जुलीकुमारी महतो महिला, बालबालिका तथा ज्येष्ठ नागरिक, दावा लामा युवा तथा खेलकुद मन्त्री जूगु दु।

अथेहे विमला  विश्वकर्मा उद्योग वाणिज्य तथा आपूर्ति राज्यमन्त्री जूगु दु।

Categorized in राजनीति