मन्त्रिपरिषद विस्तारविरुद्ध वःगु रिटय् थौं सुनुवाइ जुइ त्यःगु दु।

बुधवाः उगु रिटयात ‘स्वये मलागु’ सूचीइ तःगु खः। न्यायाधीश ईश्वरप्रसाद खतिवडाया एकल इजलासय् लाःगु उगु पेसी थौं बिहीवाःया लागि तोके याःगु खः संसद् विघटन लिपा मन्त्रिपरिषद् विस्तार याये दइमफुु धका अधिवक्तापि दिनेश त्रिपाठी, लोकेन्द्र ओली, केशरजंग केसी व दिनेश लामिछानेपिन्स पुस १३ गते सर्वोच्च अदालतय् रिट दायर याःगु खः।

रिटय् प्रधानमन्त्री व मन्त्रिपरिषद् कार्यालय नाप राष्ट्रपति कार्यालययात विपक्षी दयेका तःगु खः।

प्रतिनिधिसभा विघटन लिपा आः प्रधानमन्त्री केपी शर्मा ओली प्रतिनिधिसभा सदस्य तक मखु व सरकार कामचलाउ जुइ धुकुगु अवस्थाय् संविधानया मर्मविपरीत मन्त्रिपरिषद् विस्तार यागुलि उकियात बदर यायेत रिटय् माग याःगु खः।

Categorized in राष्ट्रिय