राष्ट्रिय सभाया छम्ह सांसद व न्याम्ह कर्मचारीपिन्त कोरोना संक्रमण जुगु दु।

थौं शुक्रवाः निसे सुरु जुगु राष्ट्रिय सभाया हिउँदे अधिवेशन जुइ न्ह्यः म्हिगः हे कोरोना परीक्षण याःगु खः। उकि मध्ये खुम्ह संक्रमण जुगु दु धका संसद् सचिवालय धाःगु दु।

राष्ट्रिय सभाया अधिवेशन जुइ न्ह्यः म्हिगः बिहीवाः ४१ म्ह सांसद नाप ९७ म्हेसिगु कोरोना परीक्षण याःगुलि खुम्हेसित कोरोना संक्रमण पुष्टि जुगु दु धका संसद् सचिवालयया सहप्रवक्तां जानकारी बिःगु दु।

Categorized in राष्ट्रिय