प्रधानमन्त्री केपी शर्मा ओलीं शहीदया बलिदान प्रतिफलंयात प्राप्त जूगु लोकतान्त्रिक व्यवस्था सुदृढ याना नेपालयात ‘समृद्ध व नेपालीयात सुखी’ दयेकेगु धका धयादीगु दु।

शहीदया बलिदानीपूर्ण संघर्षया मार्गदर्शनपाखे समृद्ध देश निर्माण याना जनतायात सुखी दयेका राष्ट्रिय आकांक्षा पूरा यायेगु गन्तव्य सरकारं तय यानागु धका धयादीगु दु । शहीद दिवसया लसताय् छगु सन्देश बियादीसे वयकलं, ‘झीगु प्रातः स्मरणीय शहीदं खंगु म्हगसया सार देशया समृद्धि व जनताया सुख खः ।

देशया समृद्धि व जनताया सुखप्राप्तिया लागि व हे शहीदया सपनायात मूर्तरुप बिइत झीसं बिते यानागु छु दँय् नवनिर्माणया प्यखेरं अभियान न्ह्याकगु खः।’ सुस्थीर राजनीतिइ व्यवधान पैदा याना मुलुकया विकास व समृद्धिया आकांक्षा विरुद्ध खडा याःगु चुनौतीयात दक्को मिले जुया छप्प पराजित यायेमाः धका प्रधानमन्त्री ओलींया सन्देशय् उल्लेख याःगु दु।

शहीद दिवसं दक्को मिलेजुाय समाज व राष्ट्रया हितय् निःस्वार्थ रुपं सक्रिय जुया न्ह्यने वनेत प्रेरणा मिले जुइमा धका अपेक्षा प्रम ओली याःगु दु  ।

Categorized in राजनीति