राष्ट्रिय परीक्षा बोर्ड नं थौं कक्षा १२ या नतिजा सार्वजनिक यायेगु तयारी याःगु दु । छु ई न्ह्यः समस्या वःगुलि थौं नतिजा सार्वजनिक जुइ धका बोर्ड नं धाःगु दु।

बोर्डं थौं सुथय् १० बजे बोर्ड बैठक सःतूगु दु। बोडया अध्यक्ष  डाक्टर चन्द्रमणि पौडेलं छु समस्या मवःसा थौं नतिजा सार्वजनिक याये धका धाःगु दु ।

थुगु दँ कक्षा १२ य् ४० प्रतिशत पूर्णाङ्कया जक परीक्षा काःगु खः। ४० प्रतिशत मूल्याङ्कन कक्षा ११ या नतिजाया आधारय् व २० प्रतिशत आन्तरिक मूल्याङ्कनपाखे जुइ ।

बोर्डं पुसमध्य तक कक्षा १२ या नतिजा सार्वजनिक यायेगु तयारी याःगु खः । तर, परीक्षा व्यवस्थित मजुया नतिजा सार्वजनिक यायेत लिवाःगु खः ।

Categorized in राष्ट्रिय