सातदोबाटो युथ क्लवं थःगु अपराजित यात्रायात कायम
सिल्लाथ्व चतुर्दशी ११४१, फागुन १४ शुक्रवाः
सहीद स्मारक ‘बी’ डिभिजन लिग् सातदोबाटो युथ क्लवं थःगु अपराजित यात्रायात कायम तःगु दु ।
थौं जूगु कासाय् सातदोबाटों निगूगु थासय्या दूगु खुमलटार युथ क्लवयात ३–२ गोलं बुकल ।
थ्व जितलिसें सातदोबोटो युथ क्लव शीर्ष डिभिजनय् थहाँवनिगु सम्भावना ब्वलंकूगु दु । सातदोबाटोया नितिं दोर्जे तामाङ, आशिष राई व भुवन बस्नेतं छगोल–छगोल यात ।
खुमलटारया सबिन केसी व आदिल हमिदले छगोल–छगोल लिछ्यात । थ्व जित धुंका सातदोबाटों न्हेगू कासां १९गू ल्याः दयेकूगु दु ।
कासाय् खुमलटारया थ्वः न्हापांगु हार खः । खुमलटारया न्हेगू कासां १६गू ल्याः जूगु दु ।
