थौं ४ बजे प्रतिनिधिसभाया बैठक
लहनान्युज | सिल्लागा नवमी ११४१, फागुन २३ आइतवाः
प्रतिनिधिसभाया न्ह्यक्वःगु अधिवेशन थौं आइतवाः निसे शुुरु जुइत्यःगु दु। संसद बैठक न्हिनसिया ४ बजे सुरु जुइत्यःगु खः।
प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं वःगु पुस ५ गते प्रतिनिधिसभा विघटन याःगु खः । तर सर्वोच्च अदालतं फागुन ११ गते संसद विघटन असंवैधानिक ठहर यासे १३ दिं दुने बैठक तयेत आदेश बिःगु खः । उगु कथं पुनःस्थापित संसदया हिउँदे अधिवेशन सुरु जुइ त्यःगु खः।
नेकपा निगु टुक्रा जुगु औपचारिक रुपं विभाजित मजुलि व निगु हे पक्षं थःथःगु संसदीय दलया नेता नाप प्रमुख सचेतक घोषणा याये धुकुगु दु। प्रधानमन्त्री ओली धाःसा विश्वासया मत कायेगु व अविश्वासया प्रस्ताव वःसा सामना यायेगु रणनीति दु।
थ्व स्वया न्ह्यःथे अधिवेशनया न्हापागु बैठकय् राष्ट्रपति कार्यालयपाखे अधिवेशन आह्वान सम्बन्धी पौं ब्वनान्यकिइ । वया लिपा राष्ट्रपति कार्यालयपाखे प्राप्त मन्त्रिपरिषद गठन सम्बन्धी पत्रयात व्यहोरा न ब्बना न्यकिइ ।
Categorized in राजनीति