ब्राइटनयात बुका लेष्टर सिटी इंग्लीश प्रिमियर लिग फुटबलया निगूगु थासय्
सिल्लागा नवमी ११४१, फागुन २३ आइतवाः
ब्राइटनयात बुका लेष्टर सिटी इंग्लीश प्रिमियर लिग फुटबलया निगूगु थासय् थ्यंगु दु । ब्राइटनया ख्यःलय् जूगु कासाय् लेष्टर सिटीयात त्याकेत केहेची इहिनाचो व ड्यानियल अमार्टें छगू छगू गोल याःगु खः ।
ब्राइटनया नितिंं एडम लालानां छगू गोल याःगु खः । कासा त्यागु नापं लेष्टर सिटी २८गू कासां ५३गू ल्याः मुना धलःया निगूगु थासय् थ्यंगु दु । छगू कासा म्हो म्हितूगु म्यान्चेस्टर सिटी ६५गू ल्याः नापं शिर्ष थासय् दु ।
प्रिािमयर लिगय् वंगु चान्हय् आर्सनलयात बर्न्लें १गू–१गू गोलया ज्वलिन्ज्वःलय् दिकुबलय् एस्टन भिल्ला व वुल्भरह्याम्पटन वान्डरर्स गोल मयासें ज्वलिन्ज्वःस म्हितूगु दु ।
चान्हय् साउथह्याम्पटनं शेफिल्ड युनाईटेडयात २–०या गोल अन्तरं बुकुगु दु ।
Categorized in कासा