पाकिस्तान राष्ट्रिय महिला फुटबल च्याम्पियनशिपय् नेपाली कासामीपिनिगु बाँलागु प्रदर्शन, सरुंयात १०गू गोल
सिल्लागा एकादशी ११४१, फागुन २५ मंगलवाः
पाकिस्तान राष्ट्रिय महिला फुटबल च्याम्पियनशिपय् नेपाली राष्ट्रिय टिमया प्यम्ह कासामी दूगु मासा युनाइटेडं तब्यागु जित हासिल याःगु दु ।
मंगलबाः जूगु च्याम्पियनशिपय् न्हापांगु कासाय् मासां सियालकोट सिटीयात १९÷० या तब्यागु अन्तरं बुकूगु खः । नेपाली राष्ट्रिय टोलीया गोलकिपर एन्जिला तुम्बाप्पो सुब्बाया कप्तानीइ म्हितुगु मासां न्हापांगु कासाय् हे उगु उगु जित हासिल याःगु खः । मासायात त्याकेत नेपाली मिडफिल्डर सरु लिम्बु छम्हेसियां हे १०गू गोल याःगु खः ।
अथेहे अनिता केसीं खुगु गोल यात । गीता राना, जारा इकबाल व सम्रोजं छगोल छगोल यात । नेपाली प्यम्ह हे कासामीपिन्सं सशस्त्र प्रहरी एपीएफयात राष्ट्रिय लिगया उपाधि त्याकाब्यूगु खः ।
Categorized in कासा
