मेयर्स कप क्रिकेट उपाधिया लागिं विभागीय डर्बीइ एपिएफ व नेपाल पुलिस क्लब दथुइ धेँधेँबल्ला
सिल्लागा आंैसी ११४१, फागुन २९ सनिवाः
काठमाडौं मेयर्स कप एकदिवसीय मिजं क्रिकेट धेंधें बल्लाःया फाइनलय् विभागीय टीम एपीएफ क्लब व नेपाल पुलिस क्लब म्हितीगु जूगु दु ।
टियु क्रिकेट मैदानय् जुइगु विभागीय डर्बी धेंधें बल्लाः छुं इलं हे न्ह्यायेत्यंगु दु । न्हापांगु संस्करणया फाइनलय् मैदान कुहांवइगु एपीएफ व पुलिस उपाधि थःगु दयेकेगु ताकय् दु ।
एपीएफ ४ कासाय् ३ त्याकाः निगूगु थासय् च्वनाः फाइनल थ्यंगु खः । तर, फाइनलय् एपीएफयात घाःपाः जूपिं कासामिं यानाः थाकुइगु खनेदु ।
पुलिस धाःसा एपीएफविरुद्ध पुचः झ्वलय् बूगुया ब्वला सालाः उपाधि त्याकेगु ताकय् दु । धेंधें बल्लाःया त्याकामिं ५ लख ल्यू त्याकामि टिमं ३ लख तका ल्हातय् लाकी ।
धेंधें बल्लाःया सर्वोत्कृष्ट कासामिं ५० द्वः तका चूलाकी । उत्कृष्ट ब्याट्सम्यान व बलरं २५ द्वः÷२५ द्वः तका चूलाकी ।
Categorized in कासा
